Bondì siori e amizi del Blog dea Rebi Rovigo.
No voio romparve i bisi ‘desso ca sì in vacanza, ma voevo dire dò, tre robete suea partìa de sabo Sprinbocs contro i Ol Blecs. Gninte de particoeare, però a me sò emozionà, zio maori! Gò ‘na simpatia più granda pa i Sprinbocs, co chei bei ricordi che i ne gà lassà qua a Rovigo, zio biondo. Me s’è un fià dispiasesto che i gabia perso, i gà fato un fià un regain ai Ol Blecs. Ma me sbigatavo dae risate a sentire i comenti de chel padovan del sior pufo Munari: savemo tuti che el ghe ne sa de rebi, ma l’è un padovan, el gà ’sto problemin… Eo rispeto. De sicuro no l’è mai banae in te i so comenti, anca tecnici. Insoma, se ride un fià, ca ghe vegnà un milion in tasca!
E ea Rebi Rovigo? Qualcossa in giro se sa, ‘ndaremo tuti a fare ea spesa aea Coop. Vedemo come ca se sistema ea storia dei aenatori, ghe n’è dosentozinquanta in andamento… a faremo ‘na squadra de aenatori, chea strazona!!!!
Ma ve confeso ca sò un fintenin triste. El nostro Pepe Scana, rustego poesan… co chea facenda sporca dea nazionae. Ma… ma… podarìa vegnere fora dee brute robete, eh, siori dea Fir? Mi me domando e digo: davero i gà fato e robe fate ben? Eeeeeeeeeeeh, mistero gnanca tanto mistero… Magari no semo un fià scazà par ’sta mancata convocazion de Pepe Scana soeo qua a Rovigo, zio inrabià. Mi a penso che… ghe sarà dee robe ca gà da vegnere fora. Ghe sarìa da fare e puizie de primavera in chea nazionae, ‘ndemo a tore (aea Coop, me racomando) dea candegina, del Cif profumo limon, del Mister Muscoeo.
Forse ghè da sturare qualcossa.
Va ben, tosi, vago a ciamare da Nino Rossi, me prenoto el tavoeo par stasira. Un fià de giorni fa voevo ‘ndare a magnare ea brasoea coe zegoe e un cincinin de insaeata, ma iera tuto pien parchè i gaveva ‘na nozze. Zio brasoea! Gò dovesto farme i fasoi in potacin a ca’ mia!
Ve saeudo.
Omo de rebi (omoderebi@libero.it)
Tag: all blacks, andrea scanavacca, bersaglieri, cooperativa, fir, nino rossi, omo de rebi, rossoblu, rovigo, rugby, rugby rovigo, rugby rovigo blog, rugby rovigo.blog, rugbyrovigo.blog, springboks
