Omo de Rebi: “Bersallieri sensa paura”

Immancabile il commento di Omo de Rebi alla vittoriosa battaglia del “Flaminio”. Al rammarico per non essere potuto scendere nella città eterna si mischia la felice incredulità per la quarta posizione in classifca dei Bersaglieri, oltre ad un doveroso cenno alla convocazione in azzurro di Tommaso Reato.

Bonasera amizi.
‘Spetè che so’ ‘ncora intronà. Dove s’è ca semo in tea clasifica? Semo el numaro quatro? Zio plei of! ‘Sta partia ea me conferma che ’sti Bersallieri i gà dò zebedei grandi come ‘na casa, anzi, come un condominio de quatro, zinque piani. Co’ chel fioeo de oro che l’è Schinca Bruneo col so compare Brizante… Mi no gò podesto movare el dedrè pa ‘ndare in tea cità eterna, a ghevo dei parenti che i s’è vignù a rompare i bisi in ’sti dì. Ma i m’ha cuntà che el tempo el gà fato propio scarèze e che i tosi i gà meso un orgollio che’l me fa pianzare daea comoziòn. I m’ha anca cuntà che ea squadra rossa e blè (sabo maron daea cuora del teren) gà dimostrà a tuti chea s’è taticamente perfeta. Ostregheta, anca Pepe Scana! El mato de Basson el pare sempre un spuzoeo, ghe sbrissa via dae man a tuti i aversari. ‘Bramo Imelma no’l gà paura de gninte. A gò anca savesto che pa’ l’ultimo piazato ghe s’è sta Germano Bustos che gà tirà ea petarda del dodese a oto e che ea mischia del sior Giulio Cesare ea iera più pesa dea nostra. Ma gninte, i nostri fioi no i gà permèso mina tanto!
Me s’è rivà anca dee robete cussì, dee curiosità, come che i nostri bravi tifosi tuti moj de piova i gà avistà Stefano Bordon in tea tribuna e ca’ ghe iera anca el sior Nailon, tuto mojo anca lù. Che po’ dai, ‘nquò l’è sta giusto, me pare, sul Carlin (el giornae, no el toso peatin dea mischia)… A voevo anca complimentarme col biondin, Tomàso Reato, par chel discorso dea nazionae. Faghe vedare al me amigo Mallett de cossa ca te sì bon, Tomàso! Zio rebista! Insoma, done e omani, mi a penso che ea strada ea sia ‘ncora longheta, ma anca piena de bee sodisfazion. E che ‘na speranzina ea ghe poe anca stare…
‘Desso ghe teéfono a Nino Rossi e ghe domando se in tel menù i zonta ’sti “suplì al teéfono”. Magari co’ dei boni fasoi in potacin de contorno.
Ve saeudo, Omo de rebi (omoderebi@libero.it)

Nella foto (Fabio Viscardini):
lo sguardo di Tommaso Reato, alla quinta stagione in prima squadra dopo due scudetti con le under rossoblu; sicuramente uno dei trascinatori di questa squadra, a dispetto dei 23 anni di età.

Tag: andrea scanavacca, bersaglieri, braam immelman, carlin ayala, flaviano brizzante, german bustos, giulio cesare, massimo brunello, nick mallett, nino rossi, omo de rebi, rossoblu, rovigo, rugby, rugby rovigo, rugby rovigo blog, rugby rovigo.blog, rugbyrovigo blog, rugbyrovigo.blog, stefan basson, stefano bordon, supplì, tommaso reato