Omo de Rebi: “El me strission, i meo gà fato fora!”

Omo de Rebi torna con un suo commento, parlando della partita di sabato scorso persa con il Cammi Calvisano. Ancora leggermente affranto per le due mete prese in pochi minuti, continua comunque ad essere fiducioso per il futuro. Quindi lancia un appello…

Bondì amizi rossi e blè.
A digo ea verità: me sento un fià afranto. Ma a gò rifletù. No s’è
mina ea fine del mondo, chea strazona! Mi a penso che i Bersallieri i
gabia da tore de novo e bone abitudini, come ‘na volta, quando ca
ghe fasevino el dedrè a tuti quanti. Dai dai, ritoemose ea bea
abitudine de vinzare e farghe spavento a chei sioroti la de sora, in
tea zona plei of, zio rebista! Sabo i tosi rossi e blè i gà fato un
mucio de casotto, i se gà intriveà ‘pena ciapà chea meta… però,
zio sberla, no iera pasà gnan un minutin… ‘Desso a penso anca
che Schinca Bruneo el meditarà e anca tuti i fioi.
Ma mi me domando e digo: Scai nol podeva stare a ca’ sòa? El gà
‘na influenza bruta, insoma… amizi… disemoseo, zio zebedeo…
el ne porta anca sfiga.
A fago ‘n apeo: aea fine dea partia so’ ‘ndà par torme el
me strission… Osteria, a gò sberegà, i meo gà fato fora! No savio mina
dove che l’è imbusà?
Tegnemose ea fiducia, amizi, a pasaremo ‘na bea primavera.
Ve saeudo, Omo de rebi (omoderebi@libero.it)

Tag: bersaglieri, blog, massimo brunello, omo de rebi, rossoblu, rovigo, rugby, rugby rovigo, rugby rovigo blog, rugby rovigo.blog, rugbyrovigo.blog, schinca, sky sport, sport, tifo, tifoseria, tifosi