Avevamo chiesto un commento al simpatico Omo de Rebi riguardante l’incontro di domenica scorsa: “Mejo ca tasa!” è stata la sua perentoria risposta. Allo stesso tempo ci ha fatto pervenire una nuova ricetta, in onore della squadra che ci ospiterà sabato al “Plebiscito”: il Petrarca Padova, storico rivale rossoblu.
Gaina aea canevera
I ingredienti:
- ‘Na gaina o anca un capon, fasì vialtri
- Un scuierin de zucaro
- Sae
- Meza costa de sedano
- Un tochetin de aio
- Quatro foiete de salvia
- ‘Na carota
- Meza zègoea
- Un bel scuiero de oio estravergine de oiva
- Dò ciodi de garofano
- Un tochetin de canea
- Un quarto de pomo
- ‘Na cana de bambù (pensa ti…)
Ea preparazion:
Puire ben ea gaina, cavandoghe ea zuca, e zate e el coeo (osteria, no
stasì farve impresionare). Tacare a metare drento aea gaina tuti
’sti ingredienti alternà e tajà a tochetini. Sgnacare ea pora
gaina in t’un sachetin pa’ cusinare a vapore. Po’ se gà da
ligare bene el buso dea apertura de ’sto sachetin, ma prima de
serare metare ea cana de bambù longa venti zentimetri, insoma, semo
lì… zentimetro più, zentimetro manco. Ma se gà da stare
‘tenti, parchè almanco quindese zentimetri i gà da essare fora dal
sachetin.
Tore ‘na pignatona e farghe boiere drento acqua, cazonarghe drento
el sachetin co ea gaina, vardando ben che ’sta apertura del
sacheto co ea cana ea staga fora dal’acqua. Me racomando, el
sachetin co ea gaina el gà sempre da stare coerto in te l’acqua!
‘Sta acqua ea gà da boiere sempre, senza mai fermarse, par almanco
tre orete, zonteghene de altra se serve, ma sempre bea calda da
brusarse.
Quando che ’sta gaina ea se gà cusinà, tirare tuto fora, verzare el
sachetin su ‘na pirofia e magnarsea tuta col liquidin dea cotura e
sgnacarghe un fiantenin de sae gròso.
Se consillia: fasivea fora anca con un fià de cren, ghe dà
gusto, un bon Merlot de Bagnoi e dopo no stasì fare i gaeti.
Tag: bersaglieri, derby, omo de rebi, Padova, petrarca, rossoblu, rovigo, rugby, rugby rovigo, rugbyrovigo.blog, sport, stadio del plebiscito, super 10, super ten, super10, superten, tifoseria
