Torna Omo de Rebi, con la ricetta dedicata alla squadra che la FemiCZ incontrerà in trasferta nell’ultima giornata di regular season del Groupama Super 10 2007/08: il Cammi Calvisano. Ancora una volta un piatto caratteristico, seguito da un messaggio finale per i Bersaglieri…
I OSEI SCAPA’ (I usili scapàc)
I ingredienti:
- 300 grami de lonza de bosgatin (o anca de carne de vedeo par far’el spezatin. A sielta. Mi a preferiso el porzeo…).
- 150 grami de panzeta magra bea destirà.
- 150 grami de figà de porzein.
- 150 grami de salsicia.
- Dee fojete de salvia (sempre quea tolta dal balcon o dal giardin…).
- 50 grami de buro.
- Mezo bicierin de vin bianco seco.
- Sae.
- Un fiantenin de verza, quea bona ca spuza (a sielta).
Ea preparazion:
A voria fare ‘na premesa prima de metarme ai fornei: ’sto piato qua l’è el piato che cusina ea mujere del caciatore lombardo quando che’l torna a ca’ a man vode parchè no’l gà becà gninte. No vojo fare ulteriori comenti… par carità del seniore…
La vare ben e ’sugare ea salvia, cavarghe via ea codega aea panzeta. Tajare tuta ea carne a tochetini e intrivearla in dei spiedini de lenio, ma stasì ‘tenti a alternare i tocheti coe fojete de salvia. Siolliere el buro in te ‘na pignata e sgnacarghe insieme i spiedini. Chi ca voe, se no’l gà ‘na zena gaeante che magari no’l gà piazere de spuzare e de fare dei ventesei, el poe zontare un fià de verza in mezo ai tocheti de carne e aea salvia.
Cusinare i spiedini a fiama viva, ma girandoi speso e voentieri, e quando che i s’è ben rosoeà da tute e parti, cazarghe el vin e farlo sbòjare. Saeare e metare el coercio.
Cusinare col fogo moderà pa’ quarantazinque menuti dandoghe on’ocio ch’el sugo no’l se ’suga massa (sa capita, zontéghe un fià de acqua calda). ‘Desso se gà da sponciare ben col piron ea carne e s’ea s’è bea morbida giusta e el sugo l’è anca denso giusto, cavare tuto dal fogo e sgionfarse finchè i spiedini i s’è ‘ncora caldi! Magnare co’ea poenta.
Se consillia:
un vin rosso come ea Bonarda. Bona ea Bonarda!
Se i Bersallieri i voe fare dei spiedini/oseini pa i aversari e ofrirghei in spolliatoio aea fine del primo tempo, ghe consillio de metarghe ea verza, cussì ai ‘lumbard’ ghe se gunfia ea panza de aria e i voea via.
Ve saeudo, Omo de Rebi (omoderebi@libero.it)
Nella foto (Fabio Viscardini):
Lodie Britz, rivolto verso i compagni, va a marcare la sua seconda meta stagionale nell’incontro di sabato scorso con l’AlmavivA Capitolina, vinto dai Bersaglieri con il punteggio di 23-6. Un successo che consente alla squadra rossoblu di tornare disputare -dopo 4 stagioni di assenza- la European Challenge Cup 2008/09.
Sempre online la petizione promossa da RugbyRovigo.blog per dire NO allo spostamento del monumento di Cesare Zancanaro dedicato a Mario ‘Maci’ Battaglini nella rotatoria di Viale Porta Adige a Rovigo, deliberato dal Comune di Rovigo.
Troverete la petizione da leggere e firmare cliccando qui:
http://www.petitiononline.com/maci/petition.html
Tag: rugby rovigo, rugby, omo de rebi, bersaglieri, rugbyrovigo.blog, rovigo, rossoblu, rugbyrovigo, rugby rovigo.blog, rugby rovigo blog, sport, rovigo rugby, omo, rebi
