“Una ricetta per Omo de Rebi e tutti gli amici rossoblu…”

Come a sancire definitivamente la fratellanza tra “apasionà de rebi” (come direbbe un caro amico…), riportiamo con sommo piacere la ricetta composta da Wildwind sul sito non ufficiale (http://tifosivemerugby.netsons.org/) dei tifosi del Casinò di Venezia. Attendiamo ora la replica di Omo de Rebi…

Ciao simpaticissimo, e fradeo de… cusina, Omo de Rebi, aeora mi fasso cussì, come che me gà insegnà me mare (che gaveino tratoria visin a stasion de Mestre).

Ingredienti:
- Bruscandoi o cime di luppolo selvatico (el se trova pai campi drio i fossi o a ferovia) = un mazzetto o anca de più.
- oio (quanto chel serve).
- butiro = na noxe.
- na segoeta nostrana novea bianca.
- mezzo bicier abondante de vin bianco seco (mi uso el proseco del Col S. Martin ma va ben anca queo che ti ga casa, magari queo che se mete via pai rosti…).
- brodo de carne = q.c.s.
- na sbrancada de formaio grana.

Dopo aver rancurà un bel maseto de bruscandoi se va a casa e i se lava ben e i se separa dae erbasse che e ghe xe sempre….se ghe cava via i maneghi più duri e se tien solo e parti più tenare, ocio che i ga da essar “norbii” come diseva me pare (belli turgidi e no fiapi) po’ tei sughi co na canevasa.
I maneghi i pol andar col brodo che intanto ti ga meso sù (magari sel no ghe xe in casa se pol doparar un poco de concentrato de carne, poco me racomando se no el ghe da massa gusto, tipo liebig o robe del genere).
Ti ciapi un tegame ‘bastanza largo e ti fa andar a segoeta tajada fina fina na scianta con l’oio e po ti ghe buti drento i bruscandoi taiai a tocheti no massa picoi.
Ti ghe xonti un poco de brodo e ti fa ‘dar pianin pianin.
Quando se ga infiapio tuto ti buti el riso (ovviamente da “risoto” tipo Carnaroli o “Vialone Nano”).
Mi uso na cicara da caffè par ogni comensale e co in più una pal cogo…
Buto el riso e sensa brodo parchè el ga da ciapar el gusto dei bruscandoi e comincio a missiar col mestoeo de egno in modo chel nol se taca al fondo dea pignata, subito dopo ghe xonto el vin e continuo a missiar col mestoeo de egno, no me fermo più fino a cotura, sirca vinti minuti (el segreto xe proprio questo) e meno e meno… xontando picoe quantità de brodo. A tre quarti de cotura xonto na sbrancada de formaio grana e dopo do minuti na noxe de butiro par mantecar. Me fermo, stuo el fogo e coverzo par uno do menuti e pò servo in toa… fioi che bontà.

N.B.: i bruscandoi i ga da essar tanti; ghe sta ben insieme anca i carleti (ciamai sciopet dai rugbisti de San Donà) e anca se tei conossi e cime dee “rece de lievore”.

Spero amico mio de averte fato contento e che te vegna fora un piatin co tutti i crismi par ti e tutti i amissi rossoblu.

Wildwind

Sempre online la petizione promossa da RugbyRovigo.blog per dire NO allo spostamento del monumento di Cesare Zancanaro dedicato a Mario ‘Maci’ Battaglini nella rotatoria di Viale Porta Adige a Rovigo, deliberato dal Comune di Rovigo.

Troverete la petizione da leggere e firmare cliccando qui:
http://www.petitiononline.com/maci/petition.html

Tag: bersaglieri, blog, blog rovigo, blog rugby, blog rugby rovigo, bruscandoi, omo de rebi, rossoblu, rovigo, rovigo rugby, rugby, rugby rovigo, rugby rovigo blog, rugby rovigo.blog, rugbyrovigo, rugbyrovigo.blog, sport