Omo de Rebi: “I misteri dea Rebi Rovigo”

Era scomparso senza lasciare traccia poco dopo la fine della stagione appena conclusa. Ci aspettavamo un suo bilancio, alcune considerazioni prima della partenza per le vacanze. Invece eccolo rifarsi vivo inaspettatamente, con domande ficcanti e quesiti ineludibili. Parliamo, ovviamente, di Omo de Rebi!

Bonasera a tuti i amighi rossi e blè.
Me scuso pa l’asenza proeungà, ma a gavevo deciso de torme ‘na vacanzina e so’ sta in Islanda a vedare i gaiser. M’è piasesto, savio? Ghè anca e foche. Pecà ca no se cata dei bei pioni pa ea Rebi Rovigo che, me pare de ‘ver capio, ea fa ea spesa al discaunt e no aea Coop. No, parchè, mi me domando e digo: com’ea che Pepe Scana, ch’eo gò visto nassare e ghe vojo anca ben, no’l riesse a catare dei bei pioni grosi e tignizzi? Eo so, eo so, no ghe n’è gnan tanti sul marcà, mi capisso… ma zio Lupini e Baratea! Prima i toe chea tegoina Canae, che, par carità… el sarà anca un bon fioeo, ma chea santoea de me nona in carioea… no se podeva fare qualcossa de mejo? No podemo mina metare el Legorin in tute e partie, poro cristo, el gavarà anca da ponsarse onni tanto. Ciò Pepe, co’ chei tremiazinquezento euri al mese sito bon soeo a far ’sta spesetìna qua? Va bon, va bon, dai, vardemo… magari el milliora col tempo. Se magari Schinca Bruneo el ghe mete ea lengua onni tanto e el controea, magari… el fa ‘na roba granda.
A gò anca da essare un fià poemico, zio cioda. Me despiase, ma a gò da dirla ’sta roba… Se podaria anca essare un fiantenin più educà col sìcueo, Norman De Maura… i m’ha cuntà che i ghe gà sbassà el stipendio, che no i ghe dà ea machina… osteria, poareto! Coss’eo? El fioeo dea serva? Me tocarà prestarghe ea me besecrèta “Rondine”, o ea Graziea de me sorea. No’digo che’l gabia da ciapare i schei de Basson da Granzette, ma propio sbasargheo me pare ‘na bruta roba. E dov’ea ch’ea terza linea foresta fenomenae che gaveva da tore el posto del toso peatin Ayala? Vedemo dai, magari Pepe Scana el ne tira fora un campion, no soeo Foschi e queo foresto… chi seo? Krancz! Osteria, se no fusse che’l se ciama Alejandro, a pensaria che’l fusse daea Bulgaria o dal lago de Balaton o da ‘na tera ugro-finnica! Qua a me pare ca ghe sia un ristannio. Va a finire ca vegno mi, aea me veneranda età, a spinzare in mischia, zio pac!
A voria anca rivòlgiare ‘na domanda: dov’eo ‘ndà a finire chel pion che’l caminava un fià come bagonghi? Ch’el toso forte, pion… Orlando! No, Orlandi! El gaveva da ‘ndare in tea tera del Re Soe, inveze… i m’ha cuntà ca pare ca no sia cussì. Ciò, Pepe, ghe gato teefonà e domandà al toso se el voe restare qua? No… sa… parchè me despiasaria che’l ‘ndesse in te ‘n’antra squadra italiana… saria propio ‘na gran bea capea, sa?
Mi ‘desso me sento a toea co’ un toco de pinza onta coe cicioe e vardo ben cossa ca sucede in tea Rebi Rovigo…

Ve saeudo, Omo de Rebi (omoderebi@libero.it).

Sempre online la petizione promossa da RugbyRovigo.blog per dire NO allo spostamento del monumento di Cesare Zancanaro dedicato a Mario ‘Maci’ Battaglini nella rotatoria di Viale Porta Adige a Rovigo, deliberato dal Comune di Rovigo.

Troverete la petizione da leggere e firmare cliccando qui:
http://www.petitiononline.com/maci/petition.html

Tag: alejandro krancz, andrea pepe scanavacca, andrea scanavacca, bersaglieri, blog, blog rovigo rugby, blog rugby rovigo, carlin ayala, giulio baratella, juan pablo orlandi, massimo brunello, matteo foschi, norman di maura, omo de rebi, pepe scanavacca, rossoblu, rovigo, rovigo rugby, rugby, rugby rovigo, rugby rovigo blog, sport, stefan basson, stefano canale, tito lupini